Archive for the ‘Uncategorized’ Category

Seks vir die groter figuur

Kyk bietjie wat skryf Dr Elmari Mulder Craig

Seks vir die groter figuur
Is jy een van vele vroue wat dink die ‘perfekte’ lyf waarborg ‘n perfekte sekslewe? Dink weer! Al wat vir gesonde bedsake nodig is, is ‘n gesonde seksuele selfbeeld.
Selluliet, saalsakke, borste wat lankal voor swaartekrag geswig het, of die verandering in jou liggaamsbeeld as gevolg van ‘n mastektomie…Is dit al wat jy raaksien as jy in die in die spieël kyk? Moenie moedeloos voel nie, jy’s nie alleen in hierdie stryd teen die skaal en die spieël nie. Die monster is egter nie dié een wat vanuit die spieël na jou terugstaar nie, maar wél die een in jou kop wat jou wysmaak dat jy nie goed, mooi of begeerlik genoeg is nie.
Die mode-wêreld en tydskrifte skryf vir ons voor wat sexy en mooi is – ‘n maer vrou. Maar dit was nie altyd so nie. Talle beeldjies van vet vrouens wat uit die Steentydperk, ongeveer 25 000 gelede dateer, is gevind. Kyk na die dansende boere met hulle ereksies en hul vet boerinne in die skilderye van Brueghel. Vet vrouens was sag en sensueel deur Rubens geskilder – van die selluliet op die dye, stuitjievetjies, die dimpels op die boude. Die vrouens op die doeke gloei van lewenslus, terwyl hulle blosend vir hul bewonderaars oor eeue heen ontbloot word. Dan is daar Rodin wat die vet dye en boude van vrouens met oopgespreide bene uit dik klonte klei onder sy hande voel vorm het – sy hande bloot spieëls van die vrouens in sy lewe. Deur die millenia is dit bewys dat mans nie soseer geprikkel word deur ‘n vrou se gewig nie – maar eerder deur die feit dat die vrou met hom seks wil hê – en dit geniet!
ʼn Gesonde seksuele selfbeeld is belangrik om ‘n gesonde en positiewe seksuele verhouding verseker. Elke vrou is ‘n unieke wese wat haar seksualiteit op ‘n unieke manier beskou, uitdruk en ervaar. Of jy jouself as seksuele wese op ‘n positiewe of negatiewe manier ervaar, hang grootliks van jou seksuele selbeeld af en jou persepsies oor jou lyf. Dit word gevorm deur opvattings oor, en ingesteldheid teenoor seks en seksuele plesier, asook deur waardes en beelde wat met jou liggaam en emosies verband hou. Seksualiteit gaan oor veel meer as die blote seksdaad. ʼn Vrou se seksuele selfbeeld het twee groot vyande: haar liggaamsbeeld, en die persepsie wat sy het oor wat “ideale” seks is soos dit deur die media uitgebeeld word. Deesdae word die idee van veelvuldige orgasmes wat ure duur en die feit dat ‘n vrou altyd gereed en in die bui vir seks moet wees byvoorbeeld, as die ideaal en norm voorgehou. Boonop leef ons in ‘n kultuur wat nog nie heeltemal wegbeweeg het van die idee dat seks iets is om oor skaam te wees en iets is waaroor nie gepraat word nie.
Hoewel ‘n negatiewe seksuele selfbeeld vroue nie noodwendig daarvan weerhou om seksuele verhoudings te hê nie, kan die ontevredenheid en angstigheid oor hulself, mettertyd ‘n demper op hul sekslewe plaas. Dit is onmoontlik om seks te geniet en jou oor te gee aan die genot van die oomblik, as jy naarstigtelik probeer om jou sogenaamde selluliet of ‘n vetrolletjie op die verkeerde plek, weg te steek. Selfaanvaarding en selfliefde is ‘n voorvereiste vir ‘n gesonde selfbeeld. Hoe meer vetroud jy is met jou eie seksualiteit, insluitende huidige en vroeëre persepsies en houdings teenoor seks, hoe meer selfversekerd en suksesvol in jou benadering tot die liefdespel sal jy wees.
Seksposisies vir die groter figuur:
• Die gewone ‘sendeling’ posisie laat vrouens gewoonlik gemaklik voel.
• Penetrasie van agter af terwyl jy op jou maag lê met ‘n kussing onder jou heupe.
• Jou maat lê op sy sy en jy lê op rug om ‘n T met hom te vorm terwyl jy jou bene oor sy heupe sit. Julle kan in mekaar se oë staar en hy kan jou borste stimuleer.
• Laat hom op die rusbank sit en sit bo-op hom. Jy kan selfs ‘n mooi camisole aanhou as dit jou gemakliker gaan laat voel.
Wenke vir gesonde seks vir die groter figuur:
• Herinner jouself daaraan dat miljoene mense van alle groottes, vorms en kleure elke dag seks het en dit geniet. Wees realisties. Vra jouself die vraag af waarom dit vir jou so belangrik is om ‘n sekere rokgrootte te dra en of dit werklik ‘n verskil gaan maak as jou boarms of bene 2cm dunner is.
• Beoordeel die boodskappe vanuit die media krities. As jy en jou maat gelukkig is met julle sekslewe, is dit al wat tel.
• Maak ‘n lysie van jou sterk punte wat die liggaamlike aanbetref. Het jy besondere mooi oë, hare of hande? Waardeer hierdie positiewe punte en herinner jouself gereeld daaraan. Onthou ook die meeste mans is nie naastenby so krities soos vroue nie.
• Staan kaal voor die spieël. Raak gewoond aan jou naaktheid en aanvaar jou tekortkominge, maar soek ook jou sterk punte uit. Waardeer die uniekheid van jou liggaam.
• Aanvaar komplimente met grasie en glo dit.
• Kyk ‘n slag so krities na ander soos jy na jouself kyk. Jy sal agterkom daar is meer “gewone” mense as “perfekte” mense.
• Verbeter jou selfbeeld deur iets te verander wat jou goed laat voel. Verander jou haarstyl of kleur. Versorg jouself goed.
• Koop ‘n lekker masseerolie en masseer jou maat se lyf, en ruil dan rolle om dat hy jou masseer. Dit sal julle albei laat ontspan, en jou ook meer in voeling laat kom met jou sensualiteit.
• Lees op en brei jou kennis oor seksualiteit uit. Eksperimenteer en leer jou eie liggaam ken. Onthou seksuele vervulling is ‘n gawe. Jy verdien dit en het die reg om seks te geniet. So sal jy dit ook vir jou maat meer bevredigend te maak.
Glo jou maat as hy vir jou vertel dat jou liggaam vir hom aantreklik is- en hy sal jou soos ‘n seksgodin vertroetel. Jou belangrikste seksorgaan is jou brein – as jy besef watter impak jou liggaam op hom het, en jy meer selfversekerd oor jou liggaam voel en sensueel optree, kan jou erotiese lewe weer sy sprankel terugkry.

Advertisements

Suiker is gif

Hier is ‘n lys van die baie name wat ‘n verbruiker moet ken om suiker te identifiseer:
suikers

Dit kom uit hierdie TED video, waarin dr Robert H. Lustig verduidelik hoekom suikers so skadelik is (alle kalorieë is nie gelyk nie, want hulle metaboliese prosesse verskil), en hoekom vet word, diabetes en baie chroniese siektes wat volg op hoë suiker eetgewoontes, nie op gewone mense geblameer kan word nie, want hulle het nie toegang tot beter kos of beter kennis nie.

Dis ‘n baie insiggewende video, al is die doktor nie heeltemal in die vetaanvaarding kamp nie, kom sy argumente ooreen met heelwat van wat die HAES mense sê.

Rond en pragtig

Rond

the HAES® files: Stress Mess: How “Fighting Fat” Makes People Sick

Health At Every Size® Blog

by Linda Bacon, PhD, and Lucy Aphramor, PhD, RD

The Health At Every Size® Blog is honored to feature this post, which is also being posted as part of the “Featured Bloggers” online conference taking place for Weight Stigma Awareness Week 2013.

The World Health Organization uses the term ‘globesity’ to describe a supposed epidemic threatening millions across the world with the specter of serious metabolic health disorders.

We cry foul: Those menaced “overweight” millions, it turns out, come disproportionately from disadvantaged populations, and no matter how fat or thin they are, it’s their marginalized status itself that harms health. “Fighting obesity” as a health target not only adds insult to the injury of poverty and stigmatization, it worsens the situation. Fat, while an expediently visible marker, is not the actual enemy. The move to banish it flouts scientific evidence while honoring half-hidden aesthetic and moralistic biases.

View original post 994 more words

Vetaanvaarding vir mediese praktisyns

Medici sou maklik kon aanneem dat  vetaanvaarding ‘n gek idee is wat hulle  eerder sou wil ignoreer of konfronteer.   Dit is egter ‘n idee wat mediese praktisyns mee  kan saamstem sonder om enigsins onwetenskaplik te raak of die gesondheid van enigeen in gevaar te stel.  Hier is hoekom:

Diskriminasie is baie skadelik

Vetaanvaarding  gaan ten eerste daaroor om diskriminasie en haat teenoor vet mense te beveg.   Ek twyfel nie dat dit ‘n groter gevaar vir hulle gesondheid kan wees as vet nie.   Mens hoef maar net te kyk na die geval van ‘n 9-jarige dogtertjie in De Aar wie se gesig weens spanning begin skeeftrek het nadat onderwysers haar “vetgat” genoem het en haar geslaan het.  Of die gevaarlike Sibutramien (Simply Slim) wat desperate vet mense via ongure handelaars probeer in die hande kry, wat hulle dood kan veroorsaak.  Of die bevinding dat “obesity stigma erodes will to exercise, socialise“.

Of wat van die baie mense wat rook omdat hulle meen dit hou jou gewig laer – as daar nie so ‘n kwessie gemaak is van vet wees nie, sou niemand hierdie dodelike, onwelriekende en duur verslawing aanleer net om hulle gewig in toom te hou nie.

Deur blogs te lees kan mens  honderde voorbeelde elke dag byvoeg van die pyn, stres en harsteer  wat deur diskriminasie veroorsaak word.  Hierdie diskriminasie word gevoed deur die massahisterie (moral panic) oor vetsug, wat deels deur die mediese professie, maar veral deur die verslankingsindustrie gedryf word.

Wetenskaplikes moenie meedoen aan massahisterie nie

Hoewel sommige vet mense baie gesond is, is vetword soms ‘n teken van mediese probleme, byvoorbeeld as iemand vet is weens siektetoestande soos PCOS of as gevolg van te veel suiker in die dieet.   Maar die skrywer van die Big Liberty blog, skryf baie oortuigend oor hoe hedendaagse gesindhede teenoor “vetsug” ‘n opsweping (moral panic)  is  – lees veral hierdie artikel.   Ondanks die vreeslike vet gevaar, leef mense langer as ooit tevore.  Medici en wetenskaplik georienteerde mense moet hulle deur feite laat lei, en nie meegevoer raak deur ‘n tendens in die samelewing wat deur deur belangegroepe soos die verlankingsindustrie gedryf word nie.

Sien ook America’s Moral Panic Over Obesity

Diskriminasie in die spreekkamer

Talle mense se ervaring  van medici is dat nie almal ewe kompetent  of wetenskaplik ingesteld is nie.  Ek onthou ‘n paar verwaande mediese studente uit my tyd op universiteit – hierdie ouens was baie ingestel op die mooi meisies en die sosiale lewe van die kampus, en het vreeslik “ge-spot” en ge -cram voor eksamens.   Ek vermoed sommige van hulle laat vandag ‘n spoor van vernietiging na in hul pasiente se lewens.

Natuurlik sal  gesindhede van die samelewing ook in die spreekamer ‘n effek  hê – lees maar net die First, Do No Harm blog – met verhale van hoe sommige  dokters allerlei diagnoses mis omdat hulle uitsluitlik op gewig konsentreer, asook hoe sommige dokters hul vet pasiente minag en meedoen aan die diskriminasie.

Sorg vir die hele mens

Wanneer ‘n dokter net ‘n hoop vet sien in plaas van ‘n mens, sal sy optrede in die spreekkamer nie bydra tot die pasient gesondheid nie, maar eerder tot die pasient se stres en gevoel van verwerping, ek dikwels tot verkeerde diagnoses.

Om hierdie redes voel ek dat mediese personeel moet leer van vetaanvaarding, HAES.  En hulle moet op die basics van die mediese professie eerder as voorkoms konsentreer:  Die wetenskaplike maatstawwe van gesondheid is dinge soos bloeddruk, polsslag, bloedsuiker en vele ander dinge wat gemeet kan word.  Hoe meer wetenskaplik ingestel ‘n dokter is, hoe minder is die kanse dat hy/sy sal diskrimineer op grond van die sosiale vooroordele wat in die afgelope paar dekades ontstaan het.

Liefde is…

loveis

Haar krag, soos ‘n arend

Hierdie foto kom van catay.com, ‘n vet-vriendelike site met baie om te sien

Catay.com