Posts Tagged ‘gewig verloor’

Liefde is…

loveis

Advertisements

Op die grens tussen vet en slank

Daar is ‘n groep vroue wat so op die grens tussen vet en slank lewe.   As hulle hul volle aandag aan energie aan gewig verloor kan gee, slaag hulle om slank te word.  Sodra iets gebeur – kind kry, liefde of een of ander krisis, dan word hulle weer vet.   Dis eintlik ‘n baie moeilike plek om te wees, want hierdie vroue “bewys” elke nou en dan aan hulself en die wereld dat “mens kan gewig verloor as jy net regtig wil”.

Wanneer hierdie vroue slankheid bereik is daar minste ‘n tydjie van rus waar hulle nie al daai nonsens oor vet mense hoef te ervaar nie, so mens gun hulle dit, al is daar sterk aanduidings dat hoe meer jou gewig wipplank, hoe swaarder eindig jy op.
Die vraag is of dit die moeite werd is om so baie tyd, geld en emosionele energie aan hierdie een ou sakie toe te wy.En nog ‘n kwessie is dat hierdie “bewys” geen bewys is nie.  Daar is ‘n hele klas mense wat glad nie op ‘n veilige manier kan slank word nie, en hierdie grensgevalle versterk die bevooroordeelde ou mensdom se idee dat mense wat vet is, net nie hard genoeg probeer nie.  Ongelukkig word die idee dat mens (vroue veral) moet slank wees, selde uitgedaag.

______________________________________

Dr Pattie Thomas het ‘n oulike verklaring geskryf oor hoekom mense aanhou om dieete te probeer, al werk dit nie.  (Die meeste of werk tot ‘n in die kort termyn, maar feitlik almal wat baie gewig verloor met diete kry daardie gewig terug binne 5 jaar of minder).

Kry haar artikel hier: New Year’s Resolutions: Who is Failing Whom?

Voor vs na

Ek kry baie keer lag vir voor en na fotos van dieetpil smouse.  Vat nou maar hierdies, van “House of A’Ora”.

In die na foto, het die vrou altyd ‘n nuwe haarstyl, ‘n glimlag, en sy lyk vol selfvertroue:

Voor                                                Na

Haar hele lewe is kastig verander, sy het ‘n nuwe lewe gekry.  Al haar probleme is iets van die verlede, wil hierdie fotos suggereer.

Maar eintlik wil ek sê dat hierdie vrou vir my mooi is op die voor – foto.   Sy lyk sag, cute, ontspanne, en na ‘n gemaklike mens.  Die voor foto moes eintlik lelik gewees het julle!

House of A’Ora beweer hul pille help vir WEIGHT MANAGEMENT (hul hoofletters), en het geen newe effekte nie.  Sover ek weet, kry mens twee tipes verslankingspille:

  • Die soort wat jou tydelik laat gewig verloor, maar wat jy weer met rente terug kry, het newe-effekte
  • Die soort wat nie newe-effekte het nie, laat jou ook nie rerig gewig verloor nie.  Enige verskil in gewig is maar toevallig of te wyte aan ‘n psigologiese effek, en in elk geval tydelik.

Hoe enige iemand pille kan koop van smouse wat nie aan enige mediese oorsig onderworpe is nie, gaan my verstand te bowe.

Hoe moet ‘n vrou sexy vir haar man wees

‘n Ander keer het ek geskryf oor hoe mense hulle harte vir Google wys.  En wraggies noudie dag sien ek weer so ‘n noodroep.

hoe moet ‘n vrou sexy vir haar man wees

Ek kon nie help om bietjie hartseer te voel daaroor nie.  Eerstens dink ek die probleem is waarskynlik by haar man.  As hy haar afbreek, sal sy nie sexy voel nie, al help Google haar om die beste raad oor sexy wees, te vind.  Maar miskien is daar ‘n kans dat sy rerig nie ‘n idee het hoe om sexy te wees nie.  In daai geval wonder ek of sy dalk so preuts grootgeword het soos ek.   Dalk lees sy Sarie en Finesse of dieettydskrifte.   As ek nou deur daardie soort tydskrifte blaai, sien ek absoluut niks wat sexy is nie.   Sulke tydskrifte is daar om jou te leer hoe om respektabel (en maer) te lyk en te wees.   Nou kyk, nou en dan sien mens ‘n vrou wat respektabel èn sexy is, maar gewoonlik is respektabel ‘n boelie wat vir arme sexy verwilder.

Sexy het ook (veral) niks met gewig uit te waai nie:  jy kan baie sexy wees al weeg jy 80 kg meer as wat jy dink jy moet.

Sexy wees het wel iets te doen met gesondheid, fiksheid en lewenslus (dinge wat vet mense ook kan hê), maar dis ook ‘n soort selfvertroue, en selfs soms ‘n soort skaamheid.

Dis nie iets wat jy kan koop of kan kry deur harde werk, byvoorbeeld ‘n strawwe dieet nie. Jy kan 60 kg verloor en net so min sexy voel soos nou.

Dis nie iets wat jy op enige manier kan verwerf nie, veral nie deur harde werk, dissipline of boeke lees nie, (veel eerder dan deur ledigheid).

Sexy wees is iets wat jy waag.  Dis suiwer waaghalsigheid.

Jy waag dit om bietjie langer vir iemand te kyk, bietjie meer te wys as wat hy verwag het, of iets meer van jou menswees of vroulikheid te laat blyk as wat die persoon vir wie jy sexy wil wees, verwag het, en daarom is daar ‘n risiko aan – die risiko van die moontlikheid van verwerping of vernedering wat jy loop as jy jou gewone weerbaarheid verslap.

Vet vroue het ‘n groter weerloosheid wat sosiale vernedering betref.  So as hulle daardie risiko neem om sexy te wees, is dit ‘n groter risiko.   En omdat dit ‘n groter risiko is, kan hulle dit regkry, as hulle dit waag, om veel meer onweerstaanbaar sexy te wees as enige iemand anders.

Wat verder gebeur het met X, W en Dr Danige Daan

W

W het heelwat gewig verloor, en begin om aan langafstand hardloop deel te neem.   Ondanks sy fiksheid en laer gewig kon hy nooit van sy boepens ontslae raak nie.   Maar die uitdrukking op die maer jong latte se gesigte wanneer hy hulle hier by die 10 km merk verbysteek, het in ‘n groot mate daarvoor opgemaak.  Daai uitdrukking van verbasing en teleurstelling om te sien dat ‘n vet ou toppie hulle kan wen, het hom altyd baie pret verskaf.  En weens sy fiksheid het hy altyd baie goed en lewenslustig gevoel.

X
X het finaal begin om vas te weet dat, hoewel sy vet is en altyd sal wees, sy baie bewonderaars het, en dat sy ongetwyfeld baie sexy en spankelend is, ongeag van wat haar man doen of sê.
Sy het verstaan dat haar man se kwessies nie deur haar vet veroorsaak is nie, maar deur iets binne homself.  En sy het haarself voorgeneem om daardie kwessies te probeer verstaan, en hom daardeur te probeer help.     Maar sy het ook besluit dat sy nie haar hele lewe gaan wag vir hom om sy kwessies op te los nie want sy het ook nodig om liefgehê te word, en dat sy op een of ander stadium aan hom ‘n ultimatum gaan stel.

Dr Danige Daan

Dr Danige Daan het ‘n BMW en ‘n Merc gehad, maar toe kom daar ‘n nuwe, jonger dokter op die dorp aan, wat ‘n Ferrari en ‘n Porche het.    En toe besluit hy, hy moet ‘n plan maak om weer bo te kom, en hy raak betrokke by ‘n orgaansmokkelary, en toe hy weer sien het die mediese raad hom tydelik geskors.   Deesdae is hy ‘n manlike model terwyl hy wag vir die einde van sy skorsing.

(geskryf op versoek)

‘n Verhaal van 2 verslankers

W

W is ‘n baie interessante en welvarende ou met ‘n pragtige vrou, en sy intellektuele lewe het altyd voorrang gekry bo sy liggaam se behoefte na oefening, en so het hy deur die jare baie gewig aangesit.   Eendag besluit hy genoeg is genoeg, hy gaan ‘n plan maak.   En soos vele dinge in sy werkslewe, pak hy dit met ywer en selfvertroue aan.  Na deeglike navorsing kies hy dieet ABC, en oefenprogram DEF, en begin met beide.

W se kanse om gewig te verloor: 100%.  Sy kanse om om sy teikengewig te bereik: 95 %  Sy kanse om sy gewig op ‘n gesonde vlak te behou: 63% (Edit: of so iets – ek weet nie regtig wat sy kanse is nie)

X

X is  ‘n cute gesiggie vrou wat baie lief is vir haar man en kinders.   Sy was van kindertyd af al vet, en sy doen al die vrou-dinge soos huis skoonmaak, kosmaak en kinders versorg.   Haar man doen al die man-dinge soos om die remote te beheer en die kar te bestuur.

X wil ook bitter graag gewig verloor, en haar dokter is Dr Danige Daan.  Dr Danige lyk amper net soos 007, en hy kan nie verstaan hoekom X nie wil gewig verloor nie, want hy sê dan gereeld vir haar sy moet minder eet en meer oefening kry, haar bloeddruk is te hoog en haar rug en kniee gaan dit nie hou nie.

Op Valentynsdag het X vir haar man sjokelade gekoop maar hy het hom nie juis gesteur aan haar nie. Die volgende dag het sy al die sjokelade opgeeet.

Simply Slim

Jo-Ann het in Januarie daaroor geskryf, en een van Trixi se vriendinne het dit probeer en daaroor geskryf by hulle forum.  Gelukkig het die vriendin opgehou toe sy swanger word, want die newe-effekte is gevaarlik.

Om die waarheid te sê, dis uiters gevaarlik, want dit bevat meer Sibutramien as wat ‘n dokter aan jou mag voorskryf.

Sibutramien mag net tot ’n maksimum van 15 mg in geregistreerde voorskrifverslankingsmedisyne soos Reductil voorkom en glad nie in aanvullende medisyne, oftewel kruiemiddels nie. – Beeld

Simply Slim bevat 27 mg sibutramien (sien Beeld artikel).   So hierdie ouens het geen gewetensbeswaar daarteen om iets as ‘n 100% kruiemiddel te verkoop, terwyl dit in werklikheid ‘n gevaarlike oordosis van ‘n skedule-5-middel bevat.

Geen wonder die Medisynebeheerraad het die middel eergister verbied nie.     Die kardiovaskulêre newe-effekte soos hartkloppings wat sibutramien veroorsaak, is nie speletjies nie, en as dit nie verbied was nie, was dit net ‘n kwessie van tyd voor iemand daarvan gesterf het.

Die  gewetenloosheid van die verslankingsindustrie is weereens blootgelê, vir almal wat dit wil raaksien.