Posts Tagged ‘vet meisies’

Ril en gril

By my werk is ‘n meisie wat baie vet maar  baie mooi is.  En die mans wat saam met my werk, terg mekaar dikwels oor haar.  As een laat is, sal die ander hom byvoorbeeld spot, deur te beweer dis omdat hy heel nag saam met haar was, en dan sal die laatkommer vurig protesteer, om te wys die gedagte staan hom beslis nie aan nie.

Mens kry vroue wat glad nie sexy of aantreklik is nie, miskien omdat hulle spesiaal moeite doen om nie te wees nie want hulle hou nie van mans nie , of dalk omdat hul gesondheid nie goed is nie.  Hoe dit ook al sy, hierdie vrouens is geensins in die game van sexy wees nie.

Sulke vroue is ongeveer heeltemal onsigbaar vir die meeste mans, en hulle feature nooit in die tipe grappies wat my kollegas maak nie.  Dit het my laat wonder hoekom is dit altyd die vet meisie in sulke grappe, en nooit sommige ander vroue wat glad nie aantreklik is nie?

Ek dink ek verstaan dit:  My arme kollegas beleef ‘n spanning tussen wat die samelewing vir hulle sê is aantreklik, en wat hulle self mooi vind.  Hulle kan sien daardie vet meisie is baie aantreklik , maar hulle mag dit nie erken nie, nie eens aan hulself nie, want die reels wat ander mans hulle opgelê het,  sê anders, en omdat hulle geen insig in die situasie het nie, hanteer hulle daardie spanning deur kinderagtige grappies te maak.

As julle nou nie self mans geken het wat so simpel is nie, sou julle my seker nie geglo het nie, maar baie, baie mans se smaak en gedrag word volkome deur ander mans bepaal.

***

PS: Die wagwoord vir beskermde inskrywings: vetaanvaarding

Advertisements

Vetaanvaarding vir slanke meisies

Soms is daar iets so verspot maklik, so ‘n klein ietsie wat mens kan doen, wat so ‘n moerse verskil in iemand anders se lewe maak.  Soos vetaanvaarding.  Dis super-maklik om te doen (vir mense wat nie vet is nie).  So as jy slank is, en jy wil hierdie klein, maar wonderlike iets vir jou vet vriendin of vriend doen, moet jy net  hierdie paar dinge bemeester.

  • Onthou dat slank ≠ mooi.  Mens kry beeldskone vet meisies en vroue.  Mens kry interessante en goeie vet mans.
  • Om ‘n goeie vriendin te wees beteken nie om haar by te staan in die miskien onbereikbare ideaal van lewenslange slankheid nie, maar om lekker dinge saam met haar te doen; nie om dieettips te gee nie, maar om lekker saam met haar te eet.
  • En dit beteken nie om haar by te staan met haar “moeilike lewensstryd” (teen vet) nie, maar om haar te herinner, wanneer sy dit nodig is, dat vet glad nie so ‘n hindernis tot ‘n gelukkige lewe is, as wat beweer word nie.