Posts Tagged ‘vet’

Seks vir die groter figuur

Kyk bietjie wat skryf Dr Elmari Mulder Craig

Seks vir die groter figuur
Is jy een van vele vroue wat dink die ‘perfekte’ lyf waarborg ‘n perfekte sekslewe? Dink weer! Al wat vir gesonde bedsake nodig is, is ‘n gesonde seksuele selfbeeld.
Selluliet, saalsakke, borste wat lankal voor swaartekrag geswig het, of die verandering in jou liggaamsbeeld as gevolg van ‘n mastektomie…Is dit al wat jy raaksien as jy in die in die spieël kyk? Moenie moedeloos voel nie, jy’s nie alleen in hierdie stryd teen die skaal en die spieël nie. Die monster is egter nie dié een wat vanuit die spieël na jou terugstaar nie, maar wél die een in jou kop wat jou wysmaak dat jy nie goed, mooi of begeerlik genoeg is nie.
Die mode-wêreld en tydskrifte skryf vir ons voor wat sexy en mooi is – ‘n maer vrou. Maar dit was nie altyd so nie. Talle beeldjies van vet vrouens wat uit die Steentydperk, ongeveer 25 000 gelede dateer, is gevind. Kyk na die dansende boere met hulle ereksies en hul vet boerinne in die skilderye van Brueghel. Vet vrouens was sag en sensueel deur Rubens geskilder – van die selluliet op die dye, stuitjievetjies, die dimpels op die boude. Die vrouens op die doeke gloei van lewenslus, terwyl hulle blosend vir hul bewonderaars oor eeue heen ontbloot word. Dan is daar Rodin wat die vet dye en boude van vrouens met oopgespreide bene uit dik klonte klei onder sy hande voel vorm het – sy hande bloot spieëls van die vrouens in sy lewe. Deur die millenia is dit bewys dat mans nie soseer geprikkel word deur ‘n vrou se gewig nie – maar eerder deur die feit dat die vrou met hom seks wil hê – en dit geniet!
ʼn Gesonde seksuele selfbeeld is belangrik om ‘n gesonde en positiewe seksuele verhouding verseker. Elke vrou is ‘n unieke wese wat haar seksualiteit op ‘n unieke manier beskou, uitdruk en ervaar. Of jy jouself as seksuele wese op ‘n positiewe of negatiewe manier ervaar, hang grootliks van jou seksuele selbeeld af en jou persepsies oor jou lyf. Dit word gevorm deur opvattings oor, en ingesteldheid teenoor seks en seksuele plesier, asook deur waardes en beelde wat met jou liggaam en emosies verband hou. Seksualiteit gaan oor veel meer as die blote seksdaad. ʼn Vrou se seksuele selfbeeld het twee groot vyande: haar liggaamsbeeld, en die persepsie wat sy het oor wat “ideale” seks is soos dit deur die media uitgebeeld word. Deesdae word die idee van veelvuldige orgasmes wat ure duur en die feit dat ‘n vrou altyd gereed en in die bui vir seks moet wees byvoorbeeld, as die ideaal en norm voorgehou. Boonop leef ons in ‘n kultuur wat nog nie heeltemal wegbeweeg het van die idee dat seks iets is om oor skaam te wees en iets is waaroor nie gepraat word nie.
Hoewel ‘n negatiewe seksuele selfbeeld vroue nie noodwendig daarvan weerhou om seksuele verhoudings te hê nie, kan die ontevredenheid en angstigheid oor hulself, mettertyd ‘n demper op hul sekslewe plaas. Dit is onmoontlik om seks te geniet en jou oor te gee aan die genot van die oomblik, as jy naarstigtelik probeer om jou sogenaamde selluliet of ‘n vetrolletjie op die verkeerde plek, weg te steek. Selfaanvaarding en selfliefde is ‘n voorvereiste vir ‘n gesonde selfbeeld. Hoe meer vetroud jy is met jou eie seksualiteit, insluitende huidige en vroeëre persepsies en houdings teenoor seks, hoe meer selfversekerd en suksesvol in jou benadering tot die liefdespel sal jy wees.
Seksposisies vir die groter figuur:
• Die gewone ‘sendeling’ posisie laat vrouens gewoonlik gemaklik voel.
• Penetrasie van agter af terwyl jy op jou maag lê met ‘n kussing onder jou heupe.
• Jou maat lê op sy sy en jy lê op rug om ‘n T met hom te vorm terwyl jy jou bene oor sy heupe sit. Julle kan in mekaar se oë staar en hy kan jou borste stimuleer.
• Laat hom op die rusbank sit en sit bo-op hom. Jy kan selfs ‘n mooi camisole aanhou as dit jou gemakliker gaan laat voel.
Wenke vir gesonde seks vir die groter figuur:
• Herinner jouself daaraan dat miljoene mense van alle groottes, vorms en kleure elke dag seks het en dit geniet. Wees realisties. Vra jouself die vraag af waarom dit vir jou so belangrik is om ‘n sekere rokgrootte te dra en of dit werklik ‘n verskil gaan maak as jou boarms of bene 2cm dunner is.
• Beoordeel die boodskappe vanuit die media krities. As jy en jou maat gelukkig is met julle sekslewe, is dit al wat tel.
• Maak ‘n lysie van jou sterk punte wat die liggaamlike aanbetref. Het jy besondere mooi oë, hare of hande? Waardeer hierdie positiewe punte en herinner jouself gereeld daaraan. Onthou ook die meeste mans is nie naastenby so krities soos vroue nie.
• Staan kaal voor die spieël. Raak gewoond aan jou naaktheid en aanvaar jou tekortkominge, maar soek ook jou sterk punte uit. Waardeer die uniekheid van jou liggaam.
• Aanvaar komplimente met grasie en glo dit.
• Kyk ‘n slag so krities na ander soos jy na jouself kyk. Jy sal agterkom daar is meer “gewone” mense as “perfekte” mense.
• Verbeter jou selfbeeld deur iets te verander wat jou goed laat voel. Verander jou haarstyl of kleur. Versorg jouself goed.
• Koop ‘n lekker masseerolie en masseer jou maat se lyf, en ruil dan rolle om dat hy jou masseer. Dit sal julle albei laat ontspan, en jou ook meer in voeling laat kom met jou sensualiteit.
• Lees op en brei jou kennis oor seksualiteit uit. Eksperimenteer en leer jou eie liggaam ken. Onthou seksuele vervulling is ‘n gawe. Jy verdien dit en het die reg om seks te geniet. So sal jy dit ook vir jou maat meer bevredigend te maak.
Glo jou maat as hy vir jou vertel dat jou liggaam vir hom aantreklik is- en hy sal jou soos ‘n seksgodin vertroetel. Jou belangrikste seksorgaan is jou brein – as jy besef watter impak jou liggaam op hom het, en jy meer selfversekerd oor jou liggaam voel en sensueel optree, kan jou erotiese lewe weer sy sprankel terugkry.

Advertisements

Liewe dokter

Bekommernis, jo-jo gewig, stres, diskriminasie.
Ja, dis die resultate van jou anti-vet uitsprake wat ons vetties so treiter.

Jy dwing hulle om soos ‘n donkie teen dieselfde klip te bly skop,  om oor en oor teen die magtige gety van genetika kragte te meet.

En daai maer ou wat so vroeg aan ‘n hartaanval dood is – dis jy wat hom laat dink het hy is OK om te leef soos wat hy geleef het want hy was mos nie vet nie.

En daarvoor word jy hoeveel betaal??

Op die grens tussen vet en slank

Daar is ‘n groep vroue wat so op die grens tussen vet en slank lewe.   As hulle hul volle aandag aan energie aan gewig verloor kan gee, slaag hulle om slank te word.  Sodra iets gebeur – kind kry, liefde of een of ander krisis, dan word hulle weer vet.   Dis eintlik ‘n baie moeilike plek om te wees, want hierdie vroue “bewys” elke nou en dan aan hulself en die wereld dat “mens kan gewig verloor as jy net regtig wil”.

Wanneer hierdie vroue slankheid bereik is daar minste ‘n tydjie van rus waar hulle nie al daai nonsens oor vet mense hoef te ervaar nie, so mens gun hulle dit, al is daar sterk aanduidings dat hoe meer jou gewig wipplank, hoe swaarder eindig jy op.
Die vraag is of dit die moeite werd is om so baie tyd, geld en emosionele energie aan hierdie een ou sakie toe te wy.En nog ‘n kwessie is dat hierdie “bewys” geen bewys is nie.  Daar is ‘n hele klas mense wat glad nie op ‘n veilige manier kan slank word nie, en hierdie grensgevalle versterk die bevooroordeelde ou mensdom se idee dat mense wat vet is, net nie hard genoeg probeer nie.  Ongelukkig word die idee dat mens (vroue veral) moet slank wees, selde uitgedaag.

______________________________________

Dr Pattie Thomas het ‘n oulike verklaring geskryf oor hoekom mense aanhou om dieete te probeer, al werk dit nie.  (Die meeste of werk tot ‘n in die kort termyn, maar feitlik almal wat baie gewig verloor met diete kry daardie gewig terug binne 5 jaar of minder).

Kry haar artikel hier: New Year’s Resolutions: Who is Failing Whom?

Jou gewig bepaal nie wie jy is nie

Hierdie pragtige rooikop is Anzel Gerber, ‘n Afrikaanse skryfster en blogger.   Sy het ingestem om ook vir hierdie blog te skryf, en het eergister ook iets oor liggaamsaanvaarding by haar eie blog geskryf.

Met die stuur van die fotos skryf sy:

Ek wil ander girls laat verstaan dat jou gewig nie bepaal wie jy is nie. Jy kan suksesvol, gelukkig en pragtig wees, self al weeg jy 104kg… Click Me!

Anyway, ek sal ook graag saam jou wil skryf aan die blog. Veral van die vrou se perspektief af. Ons word daagliks gebombardeer deur tydskrifte en TV en ons sien al die Klein lyfies en voel skielik nie meer goed of mooi of oulik genoeg nie. En dis iets wat ons as skrywers kan verander…

Top 10 redes hoekom diskriminasie teen vetties “OK” is

Kliek op prent om behoorlik te kan sien..

Vet heldinne

Een van die redes hoekom daar iets soos diskriminasie is, is dat helde en heldinne in verhale en flieks amper altyd slank is.
En dit veroorsaak ‘n assosiasie van slank is goed, terwyl vet amper altyd negatiewe assosiasies het, en daar is ook geen tekort aan vet baddies nie.
Ek wil graag weet of iemand aan vet heldinne (veral) of vet helde in stories kan dink.  Ek kan net aan hierdies dink:
  • Jasmin van  Bagdad Cafe (gespeel deur Marianne Sägebrecht) .  Wat ‘n vrou, en wat ‘n vreemde maar wonderlike fliek!

Die The No. 1 Ladies’ Detective Agency het almal vreeslike mooi name, en is eintlik groot pret:
The No. 1 Ladies’ Detective Agency (1998)
Tears Of The Giraffe (2000)
Morality for Beautiful Girls (2001)
The Kalahari Typing School for Men (2002)
The Full Cupboard of Life (2004)
In The Company of Cheerful Ladies (2004)
Blue Shoes and Happiness (2006)
The Good Husband of Zebra Drive (2007)
The Miracle at Speedy Motors (2008)
Tea Time for the Traditionally Built (2009)
The Double Comfort Safari Club (2010)
Behalwe vir Mma Precious en Jasmin slaan ek ‘n blank, maar ek kan hulle baie sterk aanbeveel.  As iemand van nog vet heldinne weet, vertel tog!

Amerika se “War on obesity”

Gelukkig het ons land nog nie ambisies (sover ek weet), om ‘n “War on obesity”  te begin nie.   Amerika het wel, en net soos met die “War on terror” is daar groot probleme rondom die idee.

Kate Harding, die mees bekende vet aanvaardingsaktivis (sy is eintlik die groot figuur agter die hele beweging) debatteer die kwessies rondom “War on obesity” met ‘n  dokter (link heel onder).

Dit is baie goed en dis ook interessant om haar in lewende lywe te sien.  Die dokter is ook nie sleg nie, soos Carrie dit  stel op BigfatBlog:

Hoe kan die dokter soveel goeie HAES beginsels voorstaan, en nog steeds wil he dit moet ‘n oorlog op gewig wees in plaas van ‘n veldtog teen ‘n onaktiewe lewe en ongesonde kos?

Die debat is hier: