Posts Tagged ‘vetties’

Oulik in die botaniese tuin

Oulik-943508243

Advertisements

Vetties: Nog altyd hier gewees

Iets wat my opval, is dat mense die idee bekook dat daar ‘n vet-epidemie is.   Dat mense altyd slank was, maar dat daar nou ‘n groot krisis van vetsug ontstaan het waaraan dringend iets gedoen moet word.  Een dryfveer hiervan, is kompetisie vir navorsingsgeld.  As jy mediese navorsing doen, en jy kan  die kwessie waarop jy werk, opblaas, sodat dit as ‘n groot krisis beskou word, dan kan jy meer en makliker fondse kry vir jou navorwsing, en so langer in ‘n lekker werk wees.

Maar daar was nog altyd vet mense.

Sien ook hier en (as jy nog baie verder in die verlede wil terug gaan) hier

Bewustheid

As mens in ‘n winkel is, is dit opvallend hoe vroue, as hulle iemand sien wat hulle ken, net daar stop om te kuier, sonder enige oorweging daarvoor of hul kuiery in die pad is of nie.  Dit is vir my op ‘n manier lekker om te sien, want dis omdat hulle so op kommunikasie en vriendskap ingestel is, dat praktiese oorwegings tweede moet kom.

Tog is dit belangrik om ‘n bewustheid van almal rondom jou te hê.   Almal rondom jou het ook dinge om te doen, en as jy glad nie ander mense in ag neem nie, is jy soos Rosalind Franklin se Generasie O -nie ‘n mooi gesig nie.    Die teenoorgestelde van Generasie O, is mense wat ‘n bewustheid het van ander mense se behoeftes, en dit in ag neem.

As vet-fobie enigsins geregverdig kan word, is Generasie O mense seker die groot rede – mense sien ‘n vet mens, en dink hulle het nou met ‘n selfsugtige Generasie – O mens te doen, byvoorbeeld ‘n  Generasie O man, wat stadig beweeg, te groot is vir enige iemand om by verby te kom, maar nie daaroor omgee nie.

Maar my verwagting, gebasseer op die vet vroue wat ek ken, is dat hulle glad nie soos Generasie O – mense is nie.  Die vet vroue wat ek ken is sagmoedig, rustig, onselfsugtig en prettig.  Daar is niks aan hulle wat hoef te verander nie.   Hierdie mooi vetties het ‘n bewustheid van ander mense se behoeftes, insluitende die behoefte wat ander het om by hulle verby te kan kom in ‘n supermark gangetjie of op die trappe.

Mense wat vet-fobies is skiet eintlik self erg kort aan bewustheid.  Want hulle kan nie die vet mens se menslikheid, en skoonheid raaksien nie, en verkies eerder om aan te hou met hul lui stereotipering.  So op ‘n manier is vet-fobiese mense eintlik erg Generasie O.


Haters

Gril, minag, beskinder, vertrap en adviseer uit die hoogte.

Dis die dinge wat haters doen met diegene wat hulle as minderwaardig beskou. Maar mense het ‘n manier om terug te veg, en so het die lysie van groepe wat sosiaal aanvaarbaar is om te minag, gekrimp. Swart mense, gays en vroue het almal hulself met groot sukses leer verdedig.

Vetties is die volgendes om dit te leer.